Legenda Abbreviazioni | Legenda Simboli

degogliài, degogliàre , vrb: degolgiai, degollai, degollare, degullare, degulliare, digogliai, digogliare, digollare, digugliare Definizione segare sa conca, pònnere istrópiu, fàere bisestru, dannu mannu a gente, animales o a cosas, distrúere, matzigare; fintzes fàere burdellu, moida a meda, coment'e segandho cosa, gherrigiandho, immarrire Sinonimi e contrari isconcai, sugai / bisastrare, destrossai, fragiare, idegollai, istragare 2 Frasi Giudita at degogliadu a Oloferne ◊ Erodes at fatu degollare pitzinnos innotzentes 2. a su pastore li ant degogliadu sa robba ◊ ant degogliadu una punta de chercu ◊ de milli versos no ndhe valet unu ca sunt totu degogliados, isempiados ◊ apustis chi aus degollau totu seus cricandho de ndhe torrare a bia sa limba ◊ cussos machinàrios in sa mina digogliaiant che moledha de cafè ◊ sa màchina ti podet digollare! 3. su bentu degògliat sas fozas, las atapat e forfígiat ◊ chentza dentes no poto degullare sa cosa tosta ◊ a punzos e a bucicones mi l'ant totu degogliada (G.Ruzzone)◊ su bentu forti at digogliau totu is matas ◊ s'istrubberi digúgliat totu su chi usat 4. su pitzinnu fut tota sa die digúglia digúglia ◊ seu totu digogliara! Etimo ctl., spn. degollar Traduzioni Francese décapiter, massacrer Inglese to behead, to slaughter Spagnolo decapitar Italiano decapitare, fare strage, massacrare Tedesco köpfen, enthaupten, niedermetzeln, massakrieren.

isconcài, isconcàre , vrb: sconcai Definizione su ndhe segare sa conca, nau fintzes de is laores chi perdent s'ispiga; fèrrere, pistare sa conca de calecuna cosa Sinonimi e contrari degogliai, iciugare, isconchedhai, istrugare Frasi a Giuanni Batista s'innotzente ant isconcadu ◊ candho su trigu de messare est àrridu est suzetu a s'isconcare 2. mi apo isconcadu unu pódhighe a martedhu ◊ una e duas bortas mi los ap'a àere isconcados sos pódhighes caminendhe iscurtzu!…◊ su luminu si est isconcadu comente l'apo frigadu a l'atzèndhere Etimo srd. Traduzioni Francese décapiter Inglese to behead Spagnolo decapitar, descabezarse, descalabrar Italiano decapitare Tedesco köpfen.

istrugàre , vrb: istujare, itujare Definizione tirare o segare su tzugu; isconcare, truncare, segare a iscosciadura (foedhandho de naes o cambos de is matas) Sinonimi e contrari iscabitzare, isconcai / stuturigai Frasi su pitzinnu at segadu unu vasu de fiores e istujadu duos gravèglios ◊ patindhe onzi die fàmine, in chirca de si azibbare at istujadu duas pudhas ◊ at itujadu duos ómines 2. unu istaiat a s'àteru istujendhe ca totu s'adhe deviamus rugare e si fit su fogu mannu acurtziendhe (M.Dore) Etimo srd. Traduzioni Francese décapiter Inglese to behead Spagnolo decapitar Italiano decapitare Tedesco enthaupten.

«« Cerca di nuovo